Հոսպիսի և պալիատիվ օգնության համաշխարհային օր 2013

Հոսպիսի և պալիատիվ օգնության համաշխարհային օրը միասնական միջոցառումների և գործողությունների օր է` ուղղված նշելու և աջակցելու հոսպիսը և պալիատիվ խնամքը: Այն նշվում է ամեն տարվա հոկտեմբերի երկրորդ շաբաթ օրը: Այս տարի այն տեղի ունեցավ հոկտեմբերի 12-ին:

Հայաստանում պալիատիվ խնամքի կարիք ունեցողների թիվը կազմում է 3600 մարդ յուրաքանչյուր օր, որոնցից առավել քան 2000 մարդ յուրաքանչյուր օր ցավազրկման կարիք ունի:

Հոսպիսի և պալիատիվ օգնության համաշխարհային օրվա հիմնական նպատակն է ցավամոքիչ բուժման կարիք ունեցող բոլոր մարդկանց համար ադեկվատ ցավազրկման հասանելիության ապահովում:

ՀՀ-ում օրվա հիմնական խնդիրներն են `

  • Օրենսդրական և կարգավորող դաշտի բարելավում
  • Օրալ մորֆինի գրանցում
  • Հասարակության վերաբերմունքի փոփոխություն:

Այս խնդիրների լուծումը թույլ կտա պալիատիվ խնամքի կարիք ունեցող մարդկանց զերծ մնալ ավելորդ քաշքշուկներից` թմրամիջոցները`որպես ցավազրկող դեղեր ստանալու գործընթացում: Ինչպես նաև Հայաստան չի ներկրվում օրալ մորֆին,իսկ ներարկվող մորֆինը ներարկելիս ևս ցավեցնում է հիվանդին: Այն կարող է առաջացնել նաև գերդոզավորում՝ հաբային մորֆինի համեմատ: Կարևոր խնդիրներից հաջորդի լուծումը թույլ կտա պալիատիվ խնամքի կարիք ունեցող անձանց ապրել հասարակության հետ համահունչ և ազատ ցավից:

Ամեն տարի գրեթե 70 երկրներ մասնակցում են հասարակական տեղեկացվածության բարձրացման միջոցառումների: Հայաստանում պալիատիվ օգնությունը որպես բուժօգնության առանձին տեսակ բժշկական ծառայությունների ցանկում ընդգրկված է 2009 թվականից:

Բոլոր մարդիկ, ծանր անբուժելի հիվանդությունների ժամանակ, բարձրակարգ բժշկական օգնության և արժանապատիվ մահվան իրավունք ունեն` ազատ ցավից ու համահունչ իրենց անձնական, հոգևոր և դավանական համոզմունքների:

«Կյանք առանց ցավի» նախաձեռնության խումբը կազմակերպել է մի շարք միջոցառումներ` նվիրված հոսպիսի և պալիատիվ խնամքի օրվան:

Հոկտեմբերի 11-ին նախաձեռնության անդամները մամլո ասուլիս հրավիրեցին Երևանում և հեռուստատեսային հաղորդում կազմակերպեցին Վանաձորում:

Հոկտեմբերի 12-ին` Հոսպիսի և պալիատիվ օգնության համաշխարհային օրը, ժամը 14:00-ին Կոնգրես հյուրանոցի համակցված սրահում տեղի է ունեցել «Սեր» ֆրանսիական ֆիլմի ցուցադրություն:

Հոկտեմբերի 15-ին`ժամը 16:00-18:00-ին տեղի ունեացավ «Վերջ ցավին» հանրային միջոցառումը`  Սայաթ-Նովա և Աբովյան փողոցների խաչմերուկ: «Անցե´ք, նստե´ք մեկ րոպե խոշտանգման բազկաթոռին՝ զգալու միլիոնավոր մարդկանց վերապրած ցավը և աջակցելու նախաձեռնությանը»,- առաջարկում էին միջոցառման կազմակերպիչները անցորդներին, որպեսզի յուրաքանչյուրը զգա այն ցավը, որով ապրում են պալիատիվ խնամքի կարիք ունեցող անձիք մեր շուրջ:

Միջոցառման ընթացքում հնչեց դասական երաժշտություն` լարային քառյակի կենդանի կատարմամբ:

Հոսպիսի և պալիատիվ օգնության համաշխարհային օրվան նվիրված համերգի հրավեր

Հրավեր

Հարգելի գործընկերներ,

Ամեն տարի շուրջ 70 երկրներ համալրվում են տոնելու Հոսպիսի և պալիատիվ օգնության համաշխարհային օրը՝ մասնակցելով տոնակատարությունների, իրազեկության բարձրացման քարոզարշավների և այլ հասարակական միջոցառումների:

Այս տարի այդ օրը ամբողջ աշխարհում նշվում է հոկտեմբերի 13 –ին: Միջոցառման  նպատակն է իրազեկել պալիատիվ օգնության կարևորության, ինչպես նաև կյանքը սահմանափակող հիվանդություններով ապրող մարդկանց և նրանց ընտանիքների խնդիրների մասին, հայթայթել ֆոնդեր աջակցելու և զարգացնելու պալիատիվ օգնության ծառայություններն ամբողջ աշխարհում:

Համաձայն այս խնդրի շուրջ Հայաստանում իրականացված կարիքների գնահատման տվյալների` թվով գրեթե 3600 հիվանդ ամեն օր պալիատիվ խնամքի կարիք ունի, որոնցից մեծամասնությանն անհրաժեշտ է լիարժեք ցավազրկում:

«Կյանք առանց ցավի» քարոզարշավի աջակցող խումբը, որը ներառում է տարբեր կազմակերպություններ, անհատներ, խնամակալներ, հիվանդներ և առողջապահական համակարգի մասնագետներ, Բաց հասարակության հիմնադրամներ-Հայաստանի օժանդակությամբ հրավիրում է Ձեզ մասնակցելու`

             Հոսպիսի  և պալիատիվ օգնության  համաշխարհային oրվան նվիրված

Հայաստանի Կույրերի Միավորման Երաժշտական կոլեկտիվների                                               

                                                          ՀԱՄԵՐԳԻ

 

Համերգը տեղի կունենա 2012թ. hոկտեմբերի 9-ին  ժամը 17:30-ին  Իսահակյան փ. 18, 3րդ հարկ հասցեով, Հայաստանի Կույրերի Միավորման Երաժշտական կոլեկտիվների համերգային դահլիճում

Հարգանքներով՝

Կյանք առանց ցավի քարոզարշավի թիմ

 Ծրագիր

 

Երգչախումբ

 

«Ազգ իմ փառապանծ»,              հեղինակ`     Առնո Բաբաջանյան

«Գութանի երգ»,                           հեղինակ`     Կոմիտաս

«Էրվում եմ, գնա,՜ գնա՜»,                     հեղինակ`     Կոմիտաս

«Ալագյազ, քեզի մեռնեմ»,                    հեղինակ`     Քրիստափոր Կարա-Մուրզա

«Սուրբ, սուրբ»,                            հեղինակ`     Մակար Եկմալյան

«Հա կլոր»,                                    մշակում`      Գրիգոր Սյունի

 «Լոմբարդցիներ»,                                  հեղինակ`     Ջուզեպպե Վերդի

 «Ճոճանակի երգը»,                   հեղինակ`     Լուիջի Դենցա

«Մայր Հայրենիք»,                                 հեղինակ`     Սիմոն Հովհաննիսյան

 

Ժողովրդական գործիքներ

 «Տոնական»

հեղինակ` Խաչատուր Ավետիսյան

կատարում է նվագախումբը

«Գարնան աղբյուր»

 

հեղինակ` Սիմոն Հովհաննիսյան

կատարող` Զեփյուռ Փաշյան

«Որտե՞ղ գտնեմ քեզ»

հեղինակ` Խաչատուր Ավետիսյան

կատարողներ` Գագիկ Հովսեփյան և Զեփյուռ Փաշյան

«Երանի թե»

հեղինակ` Խաչատուր Ավետիսյան

 

կատարող` Գագիկ Հովսեփյան

«Յար, արի»

 

հեղինակ` Աշուղ Ռազմիկ

կատարող` Գայանե Եսայան

«Պարտեզում վարդ է բացվել»

 

հեղինակ` Շերամ

կատարող` Արկադի Պողոսյան

«Չքնաղ երազ»

 

հեղինակ` Արնո Բաբաջանյան

կատարող` Գագիկ Հովսեփյան և

Արկադի Պողոսյան

«Սյուիտա»

 

մշակումը` Հրաչիկ Մուրադյանի

կատարում է նվագախումբը 

«Ցավազրկման հասանելիության մարտահրավերները ՀՀ-ում» կլոր սեղան- քննարկում

Սեպտեմբերի 18-ին տեղի ունեցավ <Կյանք առանց ցավի> քարոզարշավ ծրագրի շրջանակներում նախատեսված առաջին կլոր սեղան-քննարկումը, որը նվիրված էր «Ցավազրկման հասանելիության մարտահրավերները ՀՀ-ում» թեմային: Կլոր սեղանի հիմնական նպատակն էր՝ քննարկել միասին ՀՀ-ում առկա ցավազրկման հասանելիության խոչընդոտների և դրան իսկ համապատասխան միասնական լուծումների և առաջարկությունների մասին:
Կլոր սեղանին ելույթ ունեցան մի շարք մասնագետներ, ովքեր մանրամասն ներկայացրեցին այնպիսի հիմնախնդիրներ, ինչպիսիք են՝ պացիենտների իրավունքները պալիատիվ խնամք ստանալիս, ցավի վերահսկման հասանելիության խոչընդոտների մասին, ցավի վերահսկումը որպես մարդու իրավունք:
Կլոր սեղանին ներկա էին առողջապահական ոլորտի աշխատակիցներ, իրավաբաններ, բժիշկներ, նախարարության ներկայացուցիչներ և այլ մասնագետներ:

Մամլո հաղորդագրություն

Մամլո հաղորդագրություն
Սեպտեմբեր, 2012թ.
Ենթակա է հրապարակման անմիջապես

Օրեկան 2000 մարդ տառապում է ցավից

Հազարավոր մեր հայրենակիցներ տառապում են քաղցկեղից և կյանքի տևողությունը սահամանափակող այլ հիվանդություններից: Ցավամոքիչ մորֆինի սահմանափակ մատչելիության և հաբերով մորֆինի բացակայության պատճառով կյանքին վտանգ սպառնացող հիվանդություններ ունեցող մարդիկ ստիպված են հաճախ տառապել ցավից:

Հասարակական և միջազգային մի շարք կազմակերպությունների, ինչպես նաև անհատների և մի շարք մասնագետների դաշինքը Բաց հասարակության հիմնադրամներ-Հայաստանի աջակցությամբ «Ցավի Հաղթահարում» ծրագրի շրջանակում սույն թվականի մայիսից իրականացնում է «Կյանք առանց ցավի» քարոզարշավի նախաձեռնությունը, որի նպատակն է ներգրավել հասարակությանը, պետությանը և այլ շահագրգիռ կողմերի երկխոսության մեջ այս հարցի վերաբերյալ, ինչպես նաև իրազեկել բնակչությանը իրենց իրավունքների մասին:

«Կյանք առանց ցավի» նախաձեռնության շրջանակներում կազմակերպվում են հերթական միջոցառումները, որոնք տեղի կունենան սեպտեմբեր-հոկտեմբեր ամիսներին: Միջոցառումները հետևյալն են՝

1. Բացօթյա միջոցառում մի շարք կենտրոնական փողոցներում, որի ընթացքում կբաժանվեն տեղեկատվական նյութեր, կիրականացվի հիմնախնդրին աջակցող ստորագրահավաք, ինչպես նաև մարդիկ հնարավորություն կունենան ծանոթանալու «Ցավոտ աթոռի» հետ, որպես ցավի և տանջանքի խորհրդանիշ: Միջոցառումը պլանավորում ենք իրականացնել հետևյալ փողոցներում հետևյալ օրերին և ժամերին՝
Սեպտեմբեր 14 – Շառլ Ազնավուրի հրապարակ, ժամը՝ 17:00-20:00
Սեպտեմբեր 17 – Հյուսիսային պողոտա, ժամը՝ 17:00-20:00
Սեպտեմբեր 20 – Գ. Նժդեհի hրապարակ, ժամը՝ 17:00-20:00
Սեպտեմբեր 25 – Երիտասարդական մետրո , ժամը՝ 17:00-20:00
Սեպտեմբեր 28 – Րաֆֆու և Սեբաստիա փողոցների խաչմերուկ, ժամը՝ 17:00-20:00
2. Կլոր սեղան-քննարկում բուժական աշխատողների հետ, որի ընթացքում կցուցադրվի կարճ հայկական ֆիլմ և ելույթ կունենան մասնագետներ: Կլոր սեղան-քննարկումը տեղի կունենա սեպտեմբերի 18-ին, ժամը՝ 11:00-ին Կոնգրեսս հյուրանոցում:

3. Մեկամսյա ցուցահանդես հայ աստղերի ֆոտոնկարներով, ովքեր միացել են քարոզարշավին, որը տեղի կունենա Գրին Բին սրճարանում: Ցուցահանդեսի բացումը տեղի կունենա սեպտեմբերի 19-ին և կշարունակվի մինչև հոկտեմբերի 10-ը:

«Կյանք առանց ցավի» տեղեկատվական քարոզարշավին աջակցում են հետևյալ
կազմակերպությունները` «Կանանց ռեսուրսային կենտրոն» ՀԿ, «Հանրային տեղեկատվություն և գիտելիքի կարիք» ՀԿ, «Իրական աշխարհ, իրական մարդիկ» ՀԿ, «Առողջապահական նախաձեռնությունների հայկական կենտրոն» ՀԿ, «Բաց հասարակության հիմնադրամներ Հայաստան»-ը, «Հակացավային և պալիատիվ օգնության ասոցիացիան» և բազմաթիվ անհատներ և ոլորտի մասնագետներ:

Ցավը և մահը անխուսափելի երևույթներ են, սակայն մարդու բացառիկ իրավունքն է
հնարավություն ունենալ անհրաժեշտության դեպքում պալիատիվ խնամք ստանալ և օգտվել ցավը մեղմացնող բուժամիջոցներից: Քաղաքակիրթ հասարակությունը պարտավոր է հարգել և ապահովել պալիատիվ խնամքի կարիք ունեցող մարդու իրավունքը և նրան արժանապատիվ կյանք վարելու հնարավություն տալ:

Հավելյալ տեղեկությունների համար զանգահարել «Կյանք առանց ցավի» ծրագրի օգնական՝ Անուշ Պողոսյանին 54 24 62 կամ 094 56 56 26 հեռախոսահամարներով:

Մամլո ասուլիս

http://hra.am/hy/point-of-view/2012/05/18/pain

http://www.a1plus.am/am/social/2012/05/17/life-without-pane

http://www.1in.am/arm/armenia_society_82737.html

http://www.healthrights.am/arm/more/1954/

http://medialab.am/%D5%80%D5%A1%D5%BD%D5%A1%D6%80%D5%A1%D5%AF%D5%B8%D6%82%D5%A9%D5%B5%D5%B8%D6%82%D5%B6/%D4%B5%D5%BD-%D5%A7%D5%A4-%D5%BD%D6%80%D5%BD%D5%AF%D5%A5%D5%AC%D5%B8%D6%82-%D5%A4%D5%A5%D5%B2%D5%A8-%D5%B9%D5%A5%D5%B4-%D5%B8%D6%82%D5%A6%D5%B8%D6%82%D5%B4.-%D5%A1%D5%B6%D5%A2%D5%B8%D6%82%D5%AA%D5%A5%D5%AC%D5%AB-%D5%B0%D5%AB%D5%BE%D5%A1%D5%B6%D5%A4%D5%B6%D5%A5%D6%80%D5%AB-%D5%AF%D5%B5%D5%A1%D5%B6%D6%84%D5%AB-%D5%BE%D5%A5%D6%80%D5%BB%D5%AB%D5%B6-%D5%BF%D5%A1%D6%80%D5%AB%D5%B6%D5%A5%D6%80%D5%B6-%D5%A1%D5%BC%D5%A1%D5%B6%D6%81-%D6%81%D5%A1%D5%BE%D5%AB-%D5%A1%D5%BA%D5%A1%D5%B0%D5%B8%D5%BE%D5%A5%D5%AC%D5%B8%D6%82-%D5%B0%D5%A1%D5%B4%D5%A1%D6%80-%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%B8%D6%82%D5%B4-%D5%B7%D5%A1%D5%BF-%D5%A1%D5%B6%D5%A5%D5%AC%D5%AB%D6%84-%D5%AF%D5%A1.html

Կյանք առանց ցավի` բացման միջոցառում

Այս պահին տեղի է ունենում «Կյանք առանց ցավի» նախաձեռնության մեկնարկի երեկոն «Բաց հասարակության հիմնադրամներ-Հայաստան»-ի և հասարակական այլ կազմակերպությունների ու մասնագետների աջակցությամբ: Միջոցառմանը ներկա են բազմաթիվ կառույցների ներկայացուցիչներ և անհատներ: Հիշեցնենք, որ այժմ ցուցադրվում է «Կյանք մահից առաջ» ֆիլմից մի հատված, որին կհաջորդի «Հովեր» երգչախմբի ելույթն ու ֆոտոցուցահանդես: