Արդյո՞ք այն օրինական և հեշտ հասանելի է բոլոր նրանց համար, ովքեր ունեն դեղատոմսեր:

Միանգամայն օրինական է ուռուցքաբանից դեղատոմս ստանալ մորֆինի ամպուլաներ ձեռք բերելու համար, եթե հաստատված է հիվանդի քաղցկեղ դիագնոզը: Հայաստանում մորֆին ստանալու համար շատ խոչընդոտներ կան, սակայն կառավարությունը փորձում է քայլեր ձեռնարկել բարելավելու համար հասանելիությունը:

Եթե ինձ կամ իմ հարազատին մորֆինի դեղահաբեր անհրաժեշտ լինեն, որտե՞ղ և ինչպե՞ս կարող ենք դրանք ձեռք բերել:

Այսօր Հայաստանում միայն քաղցկեղով հիվանդները կարող են ստանալ մորֆին իրենց ուռուցքաբանից: Հուսանք, որ մոտ ապագայում կկարողանանք ավելացնել մորֆինի հասանելիությունը այլ ցավ պատճառող հիվանդությունների հաղթահարման համար:

Ինչպ՞ես կարելի է չափել ցավը` մորֆին դեղահաբ օգտագործման անհրաժեշտությունը որոշելու համար:

Մորֆինը ամբողջ աշխարհում օգտագործվում է հաղթահարելու համար միջինից սուր ցավերը: Մենք սովորաբար չափում ենք ցավի մակարդակը, խնդրելով, որ հիվանդը գնահատի իր ցավը 0-10 բալանոց սանդղակով, որտեղ 0-ն ցավի բացակայությունն է, իսկ 10-ը ուժեղ ցավը: Շատերի համար 4 բալ և ավելի գնահատված ցավը նշանակում է, որ պետք է օգտագործել մորֆինի դեղահաբերը:

Հնարավո՞ր է, որ բժշկական նպատակներով բացթողնված մորֆինը վաճառվի սև շուկայում որպես թմրանյութ:

Երբ հիվանդները ստանում են մորֆին պալիատիվ խնամքի հետ միասին, հավանականությունը շատ ցածր է, քանի որ հմուտ մասնագետները վերահսկում են մորֆինի ճիշտ օգտագործման ընթացքը համոզվելու համար, որ այն մեկ ուրիշին չի փոխանցվում:

Հնարավո՞ր է արդյոք, որ ցավերից տառապող հիվանդները կախում ձեռք բերեն:

Կախվածությունը հոգեբանական խանգարում է: Այն հիվանդները, որոնք ցավ են զգում, չեն կարող կախում ձեռք բերել մորֆին ընդունելուց: Եթե ցավը վերանա, մենք պետք է աստիճանաբար հրաժարվենք մորֆինից` խուսափելու համար նարկոտիկ աբստինենցիայից, ֆիզիկական կախվածությունից:

Ինչու՞ են մորֆինի դեղահաբերը ավելի արդյունավետ ցավը հանգստացնելու համար, քան մորֆինի ամպուլաները:

Մորֆինի հաբեր խմելը ավելի արդյունավետ է ցավը հաղթահարելու համար, քան ամպուլաները, քանի որ դեղահաբերը ավելի երկար ազդեցություն են ունենում և ավելի կայուն են: Ամպուլաների ազդեցությունը մնում է մոտավորապես 2-3 ժամ, իսկ հաբերը` 4 կամ ավելի, մինչև անգամ 12 ժամ: Բացի այդ ասեղով ծակվելը ցավոտ է: